Advani Jan Chetna Yatra

Advani Jan Chetna Yatra

Latest posts by India's First Internet TV (see all)

loading...
  • shri aadvani ji kee jan chetna yatra ke mool men unki vaiyktik vedna hai.poorvavartee jansangh se lekar janta partee tak or janta partee se bhajpa kee sthapna{1980-bombay confernece}tak ke paribhrman men aadvani ji ki bhoomika jag jahir hai.shyamaprsad mukharji,balraj madhok,deendayaal upadhyaay,atalji or uske samaantar bala saheb devras se lekar rajju bhaiya ,sudarshan sabhi ne aadvani ko number do par rakha tha.atalji ke prdhan mantree banne ke dour men bhi ve p.m. ke liye lalayit the,sangh bhi unhen hi banaa chahta tha ,kintu gathbandhan ke so caaled dharmnirpeksh dalon ne atalji ko udarwadi ghoshit kAR EK BADI RAJNAITIK CHHALANG LAGAAI ,VE SAFAL BHI HUYE.2004 KE LOK SABHA CHUNAV MEN YAADI N.D.A JEETAA TO SWBHAVIK ROOP SE AADVANI JI HI P.M. HOTE.INDIA SHAINING OR OR SWRNIM BHARAT KE THOHTE NARON KEE BAADH MEN N.D.A PICHHAD GAYA ,CONGRESS KO BADHAT hasil ho gai.single largest partee ke naate cogress ko vaam morche ke 62 saansadon ka baahar se samrthan mil gaya.n.d.a or uske neta aadvani jeorge farnadis mayush hokar dadve men ja chhupe.upa,first ne vaam ke davaav men kuchh lok lubhavan yojnayen -narega,rti,ityadi lagu kiye to upa ko 2009 men fir se mamooli badhat mil gai or aadvani ji p.m.in waiting hi hokar rah gaye.
    upa ka vartmaan kaarykaal vivadspad hone,bhrushtachar ke ujagar hone,anna ramdev or meedia ke sath-sath vaam panth kee nirantar sanghrshsheelta ne satta paksh ko sankat meen daal diya hai.manmohan singh sarkaar ki vishvasneeyta ghati hai.isi ke maddenazr bhajpa or sangh ne halla machana shuru kar diya kee sarkaar girne hi vali hai.or ve ek teer se do shikar karne ke chakkar men fans gaye.sangh or bhp ne narendr modi ko p.m. project karna shuru kar diya.udhar bhajpa adhyksh gadkari ji bhi aadvani se kanni kaatne lage,bhajpa men aadvani avaanchhneey hote chale gaye.isi beech ‘note ke badle vote’ka maamla garmaya or bhajpa ke teen saansad jail men daal diye gaye.aadvani ji purane or ghagh neta the unhone sansad ke vigat maansoon satr men singh garjna ke sath ainsa pansa fenka ki kangres se jyda bhajpa vale sannate men aa gaye.unhone ghoshna kee ki men bhrushtachar ke khilaf poore desh ,men jan-jaagran karunga.mere sathiyon ko jail men dla to mujhe bhi jail bhejo.isse pahle gujrat men modi ki upvash natak noutanki ke kaaran bhi aadvani ji khinn the.in sabhi ke madde nazar aadvani ji ne apne chahete secular mukhymantree niteesh kumar ka sahyog lekar j.p ki janm sthali sitabdiyara se rathyatra nikalkar bhajpa men apne sabhi partidwandiyyon ko chit kar diya hai.unhone bhajpa ko yaad dilaya ki prdhan mantree nagpur ke aadesh par nahin bhajpa sansdeey board or n da ke aalaince partner ki marji se banega.yadi ye sb hoga to swabhavik hai ki aadvani ki prasangikta or poonchh parakh bhi barkraar rahegi.
    shriram tiwari